मिठाई पसलको अनुगमण २७,५०० जरिवाना, १३ हजार बराबरको मिठाई नष्ट
भक्तपुर, बैशाख १४ गते
मातातिर्थ औंसी अर्थात आमाको मुख हेर्न बनाएका मिठाईका परिकारहरु अस्वस्थकर पाईएपछि मिठाई पसलहरु कार्वाहीमा परेका छन् । जिल्ला प्रशासन कार्यालय भक्तपुरले आज भक्तपुरमा गरेकोे बजार अनुगमणका क्रममा २७ हजार ५०० सय रुपियाँ जरिवाना गर्नुका साथै १३ हजार बराबरको बिग्रिएको मिठाई तथा खुवाजन्य पदार्थ जफत गरी नष्ट गरिएको छ । मध्यपुर थिमी र सूर्यविनायक नगरपालिका क्षेत्रका ५ वटा मिठाई पसलहरुको अनुगमण गर्दा ति जरिवाना एवं मिठार्ई जफत गरी नष्ट गरिएको जिल्ला प्रशासन कार्यालय भक्तपुरले जनाएको छ ।
अनुगमणका क्रममा स्वास्थ्य मापदण्ड पूरा नगरेका, दर्ता नविकरण समेत नगरिएका मिठाई पसलहरुलाई जिल्ला प्रशासनले सचेतना दिनुका साथै २ हजार पाँच सय देखि १० हजारसम्म जरिवाना गरेको थियो । अनुगमण टोलीले कैफियत देखेपछि शंखधर मिठाई पसल र धनुषा मिठाई पसललाई जनही रु. १०। १० हजार जरिवाना गरेको थियो । अनुगमणकाक्रममा ति पसलहरुले व्यवसाय दर्ता, कर दर्ता, करचुक्ता समेत नगरेको मात्र नभई अस्वस्थकर मिठाई भेटाइएपछि थप कार्वाही गरिएको थियो ।
