आफ्नै बसको ठक्करले बालिकाको मृत्यु
भक्तपुर, श्रावण २५ गते
सल्लाघारी स्थित अक्सफोर्ड प्राक्टिल स्कुल पढ्ने वर्ष ६ की रियान्सी नेपाल आफ्नै स्कुलको वसको ठक्करबाट आज निधन भएकी छिन् । बसको ठक्करबाट घाइते रियान्सीलाई सल्लाघारिस्थित इबामुरा अस्पतालमा उपचारकोक्रममा निधन भएको महानगरीय प्रहरी परिसर भक्तपुरका सूचना अधिकारी राजन कार्कीले जनाएको छ । सूर्यविनायक नगरको कटुन्जे तिनधारेस्थित सल्लाघारीबाट सुवर्णेश्वर तर्फ जाँदै गरेको अक्सफोर्ड प्राक्टिकल स्कुलको बाग्मति २ क ९१११ नंंको बसले रियान्सीलाई ठक्कर दिएको थियो । सूर्यविनायक नगरपालिका वडा नं. ५ कटुन्जे बस्ने रेजकुमार नेपालका छोरी रियान्सी सोही स्कुलका विद्यार्थी थिइन । दुर्घटना बारे प्रहरी बृत्त जगातीबाट अनुसन्धान अधिकृत सहितको प्रहरी टोली खटि अनुसन्धान कार्य गरेको सूचना अधिकारी कार्कीद्वारा जारी विज्ञप्तिमा भनिएको छ । कार्कीका अनुसार मृत्यु भएकी रियान्सीको सवलाई पोष्मार्टमकालागि काठमाण्डौ मेडिकल कलेज दुवाकोट लगिएको छ भने बस र बसका चालक ५९ वर्षका कान्छा देउपाललाई व्रहरी बृत्त जगाती भक्तपुरले नियन्त्रणमा लिई अनुसन्धान थालेको सूचना अधिकारी कार्कीले जनाएको छ ।
