बसको ठक्करबाट ब्यासी डेकोचामा यात्रुको मृत्यु
भक्तपुर, श्रावण ९ गते
यात्रुबाहक बसको ठक्करबाट डेकोचामा गम्भिर घाईते भएका एक यात्रुको उपचारकोक्रममा निधन भएको प्रहरीले जनाएको छ । महानगरीय प्रहरी परिसर भक्तपुरद्वारा जारी विज्ञप्ती अनुसार हिजो साँझ ८ः४८ बजे व्यासीबाट कमलविनायक तर्फ जाँदै गरेको बागमती ३ ख. ५०८० नं. को बसले डेकोचामा एक अपरिचित यात्रुलाई ठक्कर दिदा गम्भिर घाईते भएका थिए । अन्दाजी ४०।४५ वर्षका ति पुरुष को भक्तपुर अस्पतालमा उपचारकोक्रममा हिजो राति ९ः४५ बजे मृत्यु भएको सूचना अधिकारी राजन कार्कीले जनाएको छ । मृतक पुरुषको अहिलेसम्म परिचय समेत नखुलेको भन्दै लासलाई अस्पतालमै राखिएको छ भने ठक्कर दिने बस र बस चालकलाई प्रहरीले नियन्त्रणमा राखि थप अनुसन्धान जारी राखेको जनाएको छ । पक्राउ पर्ने चालक हेटौडा उपमहानगरपालिका वडा नं. १० घर भई हाल भक्तपुर बस्दै आएका वर्ष ४५का अहमद हुसेन रहेको प्रहरीले जनाएको छ ।
