भक्तपुरमा सक्रिय संक्रमित १ हजार १ सय ९५ पुग्यो । निको हुने २३ हजार भन्दा बढी ।
भक्तपुर, श्रावण २६ गते
भक्तपुर जिल्लामा कोरोना संक्रमितको संख्या ११सय नाघेको छ । जिल्ला स्वास्थ्य कार्यालय भक्तपुरको आईतबारसम्मको तथ्याग अनुसार जिल्लामा कोरोना संक्रमितको संख्या १०४७ पुगेको थियो भने सोमबार थप १४८ जना संक्रमण पुष्टि भएपछि जिल्लामा कोरोना संक्रमितको संख्या ११ सय नाघेको हो । संक्रमितहरु मध्ये ४२ पुरुष र ३८ महिला गरी ८० जना भक्तपुरका विभिन्न अस्पतालहरुको आइसोलेशनमा रहेको कार्यालय प्रमुख कृष्णवहादुर मिजारले जनाएको छ । अहिलेसम्म जिल्लामा १३ हजार ६५० पुरुष र ११ हजार ५५१ महिला गरी २७ हजार १ जना संक्रमित भइसकेका छन् । अहिले सक्रिय संक्रमित १ हजार १ सय ९५ पुगेको छ । सोमबार थप १ सय ४८ जना संक्रमित थपिएपछि संक्रमितको संख्या १ हजार १ सय ९५ पुगेको हो । कार्यालय प्रमुख मिजारले कोरोनाका कारण अहिलेसम्म भक्तपुरका ३ सय १८ जनाले ज्यान गुमाई सकेको बताउनु भयो । यसरी मृत्यु हुनेहरुमा २०४ जना पुरुष र ११४ जना महिला रहेको छ ।
निको हुनेहरुमा १२ हजार ८११ पुरुष र १० हजार ८७७ महिला गरी २३ हजार ६ सय ८८ जना पुगेको छ । आईतबारसम्ममा भक्तपुर जिल्लाका ४ वटा नगरपालिकाहरुमा सबै भन्दा बढी मध्यपुर थिमी नगरपालिकामा ४४३३ पुरुष र ३८५४ महिला ८ हजार २ सय ८७ कोरोना संक्रमित भएका छन् भने सूर्यविनायक नगरपालिकामा ४२८० पुरुष र ३५७६ महिला गरी ७८५६ जना संक्रमित भए । यसै गरी भक्तपुर नगरपालिकाका २४११ पुरुष र २१६१ महिला गरी ४५७२, चाँगुनारायण नगरपालिकाका १७७२ पुरुष र १३५६महिला गरी ३१२८ संक्रमित भएको उल्लेख छ भने ठेगाना प्रष्ट नभएका ६७५ पुरुष र ५३५ महिला गरी १२१० छन् । अहिले भक्तपुर नगरपालिका भित्र ९७ पुरुष र ८७ महिला गरी १८४, चाँगु नपामा ११७ पुरुष र १२२ महिला गरी २३९ जना, मध्यपुर थिमी नपाभित्र १४८पुरुष र ११३ महिला गरी २६१ र सूर्यविनायक नपाभित्रका १७० पुरुष र १४८ महिला गरी ३१८ गरी जम्मा आईतबार सम्ममा १०४७ सक्रिय संक्रमितहरु रहेको स्वास्थ्य कार्यालय भक्तपुरले जनाएको हो । सोमबार थप भक्तपुर नगरका २६ जना, चाँगु नगरका १९ जना, मध्यपुर नगरका ३७ जना र सूर्यविनायक नगर क्षेत्रका ५२ जना साथै ठेगाना उल्लेख नभएका १४ जना समेत संक्रमित भएको थियो ।
