अन्तर नगर कबड्डी प्रतियोगितामा आयोजक समितिले गर्यो विजयी सुरुवाट
भक्तपुर, फाल्गुण २९ गते
आजबाट भक्तपुरमा सुरु भएको अन्तर नगर कबड्डी प्रतियोगितामा आयोजक भक्तपुर नगरपालिकाले विजयी सुरुवात गरेको छ । मध्यपुर थिमी नगरपालिका र भक्तपुर नगरपालिका बीच आज भएको उद्घाटन खेलमा २२ विरुद्ध ५७ अंकका साथ आयोजक भक्तपुर नगरपालिकाले विजयी सुरुवात गरेका हुन ।
नाम दर्ता भएका १७ पालिकाहरु मध्ये १५ पालिकाका खेलडीहरुले सहभागिता जनाएको अन्तर नगर कबड्डी प्रतियोगिताको आज विहान खेलकुद र्याली सहित नेमकिपा अध्यक्ष एवं वरिष्ठ राजनीतिज्ञ नारायणमान विजुक्छेले प्रतियोगिताको उद्घाटन गरेका हुन । प्रतियोगिता चैत्र ३ गतेसम्म रहने छ । प्रतियोगितामा पहिलो हुने पालिकालाई एक लाख ५० हजार, दोस्रोलाई एक लाख र तेस्रो तथा चौथौलाई ५०।५० हजार नगद सहित मेडल र प्रमाण पत्रको व्यवस्था भएको आयोजक समितिले जनाएको छ ।
