समाज सेवा गर्न स्वतन्त्रले जित्नुपर्ने उम्मेदवार कासिछ्वाको जोड
भक्तपुर, कार्तिक १५ गते
भक्तपुर क्षेत्र नम्वर १ कमा आसन्न निर्वाचन जित्न आफूले स्वतन्त्र उम्मेदवारी दिएको श्रीभक्त कासिछ्वाले आफ्नो उम्मेदबारी बारे जानकारी दिन आज भक्तपुरमा पत्रकार सम्मेलन गरेका छन् । भक्तपुरलाई पर्यटकीय हवको रुपमा विकास गर्ने धेरै सम्भावनाहरु रहेको उल्लेख गर्दै, मतदाताकालागि खानेपानी, बाटो घाटो, स्वास्थ्य सेवा, खेलकूदको विकासमा र विपद्मा परेकाहरुलाई महत्वपूर्ण योगदान दिदै आएको र थप योगदानका लागि आफ्नो उम्मेदवारी भएको बताए । आफू समाजसेवी भएको जग्गा प्लटिङ्गमा नलागेको स्वास्थ्य र खेलकूदमा विशेष योगदान गर्दै आएकोले मतदाताले आफूलाई जिताउने दाबी गरेका छन् ।
आफूलाई जिताएमा दलहरुले गर्न नसकेका अधुरा काम स्वतन्त्र रुपमा गर्न सकिने दाबी गर्दै त्यसैको लागि आफ्नो उम्मेदवारी हुने र अव देखि कुनै पनि पार्टीमा नलाग्ने कुरा पनि उल्लेख गदै स्वतन्त्र भएर एक सामुदायिक विद्यालय एक नर्स, एक स्कूल एक खेल शिक्षक, किसानलाई उचित दाम र उपभोक्तालाई सहुलियत दरमा मासु, एक घर एक घारा, खानेपानी, भौतिक पूर्वाधार तथा सडक सञ्जाल विस्तारका योजनाहरु सुनाए । जनतालाई सहयोग गर्न एक करोड रुपियाँ कोषमा राख्ने, सांसदले पाउने सुविधा पनि असाहयलाई सहयोग गर्ने योजना रहेको बताए । उम्मेदवार कासिछ्वाले पत्रकार सम्मेलनमा सहभागि पत्रकारहरुलाई यातायात खर्च बापत प्रति पत्रकार रु. २ हजार उपलब्ध गराएका थिए ।
