भक्तपुर जिल्लामा ९३ जना चुनाबी मैदानमा
भक्तपुर, असोज २६ गते
भक्तपुर । मंसिर ४ गतेको निर्वाचनमा भाग लिने भक्तपुरका उम्मेदबारहरु ९३ जना हुने भएको छ । प्रतिनिधी सभाका लागि भक्तपुर जिल्लाको क्षेत्र नम्वर १ र २ मा र प्रदेश सभाका लागि क्षेत्र नम्वर १को १ र २ तथा क्षेत्र नम्वर २ को १ र २ गरी छ वटा सिटको लागि ९३ जना उम्मेदबारहरु प्रत्यक्ष चिर्वाचनमा होमिने पक्का भएको हो । आज दिउँसो १ बजेसम्म नाम फिर्ता लिने समयाबधिभित्र एक जना राजनैतिक दल र दुई जना स्वतन्त्र उम्मेबारहरुले आआफ्नो नाम फिर्ता लिएपछि अन्तिम उम्मेदबार हुनेकोे संख्या ९३ जना रहेको निश्चित भएको जिल्ला निर्वाचन कार्यालय भक्तपुरका कार्यालय प्रमुख नरेन्द्रप्रसाद न्यौपानेले जनाएको छ ।
मुख्य निर्वाचन अधिकृत गोपाल बास्टोलाका अनुसार भक्तपुर क्षेत्र नम्वर १ को प्रतिनिधी सभाको निर्वाचनका लागि १० दलका १० जना र ४ जना स्वतन्त्र गरी १४ जना उम्मेदबारहरु निश्चित भएका छन् भने क्षेत्र नम्बर १को १मा परेको १९ जनाको उम्मेदबारीमा राप्रपा नेपालका श्यामप्रसाद नेपालले नाम फिर्ता लिएपछि बाँकी १८ जना उम्मेदबार निश्चित भएका हुन् । ति १८ जना मध्ये ९ जना दलगत र अन्य ९ जना स्वतन्त्र रहेको बास्टोलाले जनाएको छ । क्षेत्र नम्बर १को २ मा भन्ने ९ जना मात्रै उम्मेदबारी परेकाहरुमा २ जना स्वतन्त्र र ७ जना दलगत उम्मेदबारी रहेको मुख्य निर्वाचन अधिकारी बास्टोलाले जनाए ।
यता क्षेत्र नम्वर २मा प्रतिनिधी सभा तर्फ २६ जनाको उम्मेदबारको नाम निश्चित भएको छ । यस क्षेत्रको १ र २ मा १३ ।१३ जना उम्मेदबारको अन्तिम नामाबली प्रकाशित गरेको छ । यस अघि क्षेत्र नम्वर २को १मा उम्मेदबारी दिएका दिलप्रसाद र क्षेत्र नम्बर २को २का बद्रीकृष्णले नाम फिर्ता गरको कार्यालय प्रमुख न्यौपानेले जनाएको छ ।
