भक्तपुरमा खोपको पहुँच ९७.६ प्रतिशत पुग्यो ,१९०२ सक्रिय संक्रमित बाँकी
भक्तपुर, माघ २४गते
भक्तपुर जिल्लामा कोरोना विरुद्धको खोपको पहुँच ९७.६ प्रतिशत पुगेको स्वास्थ्य कार्यालय भक्तपुरले जनाएको छ । यसरी खोप लगाउनेहरु मध्ये २ लाख ५० हजार २६१ जना १८ वर्ष माथिका छन् । पहिलो डोज लगाउनेहरुमा २ लाख २१ हजार ९७७ छन् भने पूर्ण खोप लिनेको संख्या २ लाख ४४ हजार २ सय ६२ पुगेको छ । मोर्डना खोप भने ३५ हजार ७ सय ४९ले लगाएको कार्यालय प्रमुख कृष्णवहादुर मिजारले जनाएको छ ।
भक्तपुर जिल्लामा कोरोना संक्रमितको कुल संख्या ३८ हजार ४ सय ८६ पुगेको छ । आईतबार थप ५४ जना संक्रमित थपिएकाभएका थिए । कोरोना संक्रमित मध्ये निको हुनेको संख्या ३६ हजार २ सय १४ पुगेपछि बाँकी सक्रिय संक्रमितको संख्या भने १ हजार ९ सय २ जना छन् ।
