भक्तपुरमा फाइजरको दुई खोप केन्द्र स्थापना
भक्तपुर, कार्तिक २८ गते
भक्तपुर जिल्लाका प्रमुख जिल्ला अधिकारी रुद्रादेवी शर्माले दीर्धरोगीहरुको लागि फाइजरको बायोएनटेक खोप अभियान अन्तर्गत खोप सामग्री हस्तान्तरण गदै खोप केन्द्रको उद्घाटन गर्नु भएको छ । जिल्ला खोप समन्वय तथा अनुगमण समितिका संयोजक समेत रहेका शर्माले भक्तपुर क्यान्सर अस्पताल र शहीद धर्मभक्त राष्ट्रिय प्रत्यारोपन केन्द्रमा खोप केन्द्रको उद्घाटन गर्नु भएको छ । प्रजिअ शर्माले सो अवसरमा लक्षित वर्गको पहँुचमा खोप निधारित समयमै, गुणस्तरीय रुपले उपलब्ध गराउनुपर्नेमा जोड दिनु भयो । देशभरका विभिन्न क्षेत्रबाट उपचारमा आउने प्रत्यारोपन केन्द्र र क्यान्सर अस्पतालमा आउने दीर्धरोगीहरुकोलागि जिल्लामा २६७० दोज फाइजरको खोप उपलब्ध भएको स्वास्थ्य कार्यालय भक्तपुरका प्रमुख कृष्ण मिजारले बताए । एकहप्तासम्म सो दुई खोप केन्द्रबाट लक्षित वर्गलाई फाइजर खोप दिने उहाँले बताए । देशभर आजबाट सुरु भएको फाइजर खोप अभियान अन्तर्गत १२ वर्षमाथिका र १८ वर्ष मुनिका तथा दीर्धरोगीहरुलाई सो खोप लागउन दिने उहाँले बताएको छ ।
