युरोपेली देश फेरि कोरोनाको केन्द्र बनेको डब्लुएचओको भनाइ ।
विश्व स्वास्थ्य संगठन डब्लुएचओले युरोपेली देश फेरि पनि कोरोना भाइरसको महामारीको केन्द्र बन्न थालेको जनाएको छ । डब्लुएचओका युरोप क्षेत्रीय निर्देशक हङ्स क्युगले युरोपेली क्षेत्रमा महामारीको विषय सन्तोषजनक अवस्थामा नरहेको बताउनुभएको छ । तथ्याङ्क अनुसार अघिल्लो बर्षकै अवस्थामा महामारी फर्किएको देखाएको उहाँले बताउनुभयो । अहिले फेरि फर्किएको महामारी अघिल्लो वर्षको रेकर्ड समेत तोड्न सक्ने खतरा रहेको पनि उहाँले औल्याउनुभएको छ । गत हप्ता मात्रै युरोपेली क्षेत्रमा दश लाख ८० हजार भन्दा बढी नयाँ सङ्क्रमित थपिएका थिए भने २४ हजारभन्दा बढीको कोरोनाका कारण मृत्यु भएको थियो । कोरोना महामारी विश्वकै लागि चिन्ताको बिषय बनेको छ ।
