एमसीसी विरोध भक्तपुरका युवा विद्यार्थीद्वारा जुलुस र सभा आयोजना
भक्तपुर, भाद्र २३ गते
नेपाल मजदुर किसान पार्टीको भातृ संगठन नेपाल क्रान्तिकारी युवा संघ र नेपाल क्रान्तिकारी विद्यार्थी संघको संयुक्त आयोजनामा अमेरिकी मिलिनियम च्यालेन्ज कअपरेशन एमसीसीको विरोधमा आज विरोध जुलुस एवं सभा आयोजना गरेको छ । भक्तपुर नगरपालिका वडा नं. १० कमलविनायकबाट सुरु भएको सो जुलुस च्याम्हासिंह, सूर्यमढी, दत्तात्रय, गोलमढी, स्कूलढोका, तौमढी, राममन्दिर हुँदै सूर्यविनायक चोकमा पुगेर सभामा परिणत भएको थियो ।
एमसीसी चाहिँदैन, अमेरिकी सामाज्यबाद मूर्दावाद, भारतीय विस्तारबाद मूदावाद, नेमकिपा जिन्दाबाद लगायतका नाराहरु सो अवसरमा लगाएका थिए ।
कार्यक्रममा नेपाल मजदुर किसान पार्टीका केन्दीय सदस्य उकेश कवांले अमेरिकी सेना जुन जुनदेशमा प्रवेश गरेका छन् त्यो त्यो देश युद्धले ध्वस्त भएको उद्धाहरणहरु प्रस्तुत गर्दै राष्ट्रिय स्वाधिनता र सार्वभौकिता रक्षाका लागि एमसीसी खारेज गर्नुपर्नेमा जोड दिनु भयो ।
उहाँले सच्चा इमान्दार सत्तासिन एवं ठूला राजनैतिक दलका नेता कार्यकर्ताहरु पनि एमसीसीको विरोधमा रहेको उल्लेख गर्दै एमसीसी विरोधी आन्दोलनलाई सशक्त बनाउनुपर्नेमा जोड दिनु भयो । उहाँले सहयोगको नाममा हस्तक्षप हुँदैन भन्ने हो भने संविधान भन्दा माथि राखेर किन संसदबाट एमसीसी पास गर्न खोज्दै छ? भनि प्रश्न गर्नु भयो ।
कार्यक्रममा नेक्राविसंघका सचिब रमेश प्रजापतिले देशघाटी एमसीसीको विरोधमा उत्रेका आन्दोलनकर्मीलाइ प्रहरी प्रशासनले गरेको दमनको भत्सर्ना गर्नु भयो । देशको सार्वभौमिकता रक्षाको लागि प्रहरी पनि लाग्नुपर्नेमा जोड दिन्दै उहाँले आन्दोलनकारीलाई दबाउने होइन, आन्दोलनमा सहयोग गर्न आग्रह गर्नु भयो ।
कार्यक्रममा नेक्रायुसंघ जिल्ला समिति भक्तपुरका अध्यक्ष मिनवहादुर बाटाले एमसिसीको नाममा सत्तादारी दलहरुले देशलाई विदेशीको दास बनाउन खोजेको भन्दै नेपाल अहिलेसम्म कहिले पनि कुनै देश र सामाज्यको दास नबनेको र भविष्यमा पनि बन्न नदिन एमसीसी विरोधी अभियानमा सहभागि हुन आग्रह गर्नु भयो । सो अवसरमामा आयोजकहरुले एमसीसी विरोधी आन्दोलनलाई थप सशक्त बनाउएर एमसीसी पास गर्न नदिने बताए।
