बजारमा अक्सिजन अभाव भएपनि ख्वप अस्पतालको अक्सिजन प्लान्टबाट सहज वितरण
भक्तपुर, भाद्र १० गते
बजारमा अक्सिजनको अभाव भएपनि ख्वप अस्पतालको अक्सिजन प्लान्टबाट सहजै अक्सिजन पाइरहेको कटुजेका सुद्धबहादुरले जनाएको छ । भक्तपुरको सल्लाघारी र ठिमीसम्म अक्सिजनको लागि धाउँदा पनि पर्याप्त अक्सिजन नपाएपछि ट्याक्सि चढेर बिहिबार ख्वप अस्पतालमा अक्सिजन लिन आएका थिए । सुद्धबहादुरको भनाई अनुसार बजारमा अक्सिजन सर्टेज भएपनि भक्तपुर नगरपालिकाद्वारा सञ्चालित ख्वप अस्पतालको अक्सिजन प्लान्टमा अक्सिजनको माग बढेको देखिएको छैन् । हाल दैनिक १५ वटा साना तथा ठूलो अक्सिजन सिलिण्डरको मात्र माग भइरहेको अक्जिन प्लान्टका अपरेटरले जनाए ।
२४ घण्टामा १ सय २० वटा सिलिण्डर भर्न सक्ने क्षमता भएको सो प्लान्टले नगरवासीको लागि सिलिण्डरको डिपोजिट १० हजार बाहेक अक्सिजन निःशुल्क वितरण गरिरहेको छ भने नगरबाहिरका समुदायको लागि ४७ केसी अक्सिजनको लागि मात्र १ सय ५० र १० देखि २० केजिसम्मका लागि रु ५० मा वितरण भइरहेको अक्सिजन प्लान्टमा कार्यरत लक्ष्मिसुन्दर पछिले जनाए । यसरी सुविधाको अक्सिजन लिन वडा कार्यालयको सिफारिस चाहिने भए पनि एउटै सिफारिसबाट १० पटकसम्म सिलिण्डर भर्न सकिने पनि उहाँले बताए । अक्सिजनको माग अनुसार प्लान्टको सञ्चालन प्रवर्धन भईरहेको उल्लेख गर्दै सो माग पूरा गर्न अहिले दैनिक ३ घण्टा मात्र सञ्चालन गरे पुग्ने देखिएकोे र आवश्यकता र माग अनुसार अक्सिजन उत्पादन बढाउन सकिने बताए ।
अहिले पूर्ण क्षमतामा सञ्चालन गर्नु परेको छैन उहाँले बताए यद्यपी बजारमा अक्सिजनको अभाव भएको भन्दै कटुञ्जेका सुद्धबहादुरले बजारमा अक्सिजन नपाएर ख्वप अस्पताल आएको बताए । उहाँले ख्वप अस्पतालको अक्सिजन प्लान्टमा १० हजार डिपोजिट राखेर १५० रुपियाँमा अक्सिजन पाएको तर बजारमा १८ हजार खर्चेर पनि चाहिएको बेला अक्सिजन नपाएको गुनासो गरे । उहाँले भने अहिले फेरी बजारमा अक्सिजन सर्तेज हुन थाल्यो । सहुलियत दरमा ख्वप अस्पतालको अक्सिजन प्लान्टबाट सजिलै अक्सिजन पाउन सकेकाले उनका दमरोगी आमाको लागि २४ सैं घण्टा अक्सिजन उपलब्ध गराउन सकेको बताए ।
