भक्तपुर साकोस स्थापना दिवसको अवसरमा ५२ जनाले गरे रक्तदान
भक्तपुर, कार्तिक १९गते
भक्तपुर साकोसले गरेको रक्तदान कार्यक्रममा ५२ जनाले रक्तदान गरेको छ । भक्तपुर बचत तथा ऋण सहकारी संस्था लिंको २४ औं स्थापना दिवसको अवसरमा आज खुल्ला रक्तदान गरेको हो । रक्त सञ्चार सेवा केन्द्र भक्तपुरको प्राविधिक सहयोगमा गरेको सो रक्तदान कार्यक्रममा १३ महिला सहित ५२ जनाले रक्तदान गरेको संस्थाका अध्यक्ष बलराम प्रजापतिले जनाएका हुन । कोरोना भाइरस संक्रमण जोखिम र चाडपर्वको बेला रक्तसञ्चारमा हुन सक्ने रगतको अभावलाई ध्यानमा राखि भक्तपुर साकोसले रक्तदान कार्यक्रम आयोजना गरेको उहाँले बताउनु भयो ।
२४ औं स्थापना दिवसको अवसरमा आज रक्तदान कार्यक्रम आयोजना गरेको भक्तपुर साकोसले भोलि जेष्ठ सदस्य पोषण आहार अन्तर्गत च्वावनप्रास, हलिक्स, सुगरफ्रि विस्कुट वितरण गर्ने उहाँले बताउनु भयो भने सोहि अवसरमा कोरोना भाइरसबाट संक्रमित भएका सदस्यका लागि पानी तताउने जग, हत वाटर ब्याग, हलिंक्स वितरण गर्ने कार्यक्रमहरु समेत रहेको अध्यक्ष प्रजापतिले बताए ।
