भक्तपुर, कार्तिक २९ गते
यस वर्षको २२ औं विविध भाषा साहित्य सम्मेलन अनलाईनबाट हुने भएको छ । विश्वब्यापीरुपमा फैलि रहेको कोरोना भाइरसको जोखिमका कारण अनलाईनबाट गर्ने भएको विविध भाषा साहित्य सम्मेलनका अध्यक्ष सूर्यराम श्रेष्ठले जनाएको छ । मध्यपुर थिमीका विभिन्न क्षेत्रमा प्रस्तुत हुँदै आएको विविध भाषा साहित्य सम्मेलन यस पालि अनलाइनबाट आयोजना गर्ने तयारी भइरहेको अध्यक्ष श्रेष्ठले बताउनु भयोे ।
नेपाल मजदुर किसान पार्टीका अध्यक्ष एवं वरिष्ठ राजनीतिज्ञ नारायणमान विजुक्छेको प्रमुख आतिथ्यतामा हुने यस पालिको २२ औं विविध भाषा साहित्य सम्मेलनमा विभिन्न क्षेत्रका विषयविज्ञ, शिक्षा, स्वास्थ्य, वातावरणविज्ञ, कला संस्कृतिकर्मीहरु एवं कवि साहित्यकारहरुको गहकिलो मम्तव्य तथा साहित्य वाचन हुने उहाँले बताउनु भयोे । हरेक वर्ष नेपाल सम्बतको नयाँ वर्षको पहिलो दिन एवं म्ह पुजा, गोर्वधन पूजाको दिनमा आयोजना हुँदै आएको विविध भाषा साहित्य सम्मेलन कोरोना भाइरस संक्रमणको जोखिमका कारण आनलाईबाट गर्ने भएको हो ।
विविध भाषा साहित्य सम्मेलन आयोजना गर्नु पूर्व न्हु दँ र्याली तथा साँस्कृतिक कार्यक्रमहरु पनि आयोजना नगरी अतिथिहरुको मन्तव्य र विभिन्न भाषा भाषिहरुको साहित्य वाचनबाट २२ औं विविध भाषा साहित्य सम्मेलन हुने भएको हो । सम्मेलन आईतबार दिउँसो १ बजेबाट प्रस्तुत हुने उहाँले जनाएको छ । यसपालिको २२ औं विविध भाषा साहित्य सम्मेलन जुम, फेस बुक लगायत विभिन्न सामाजिक सञ्जाल र रेडियो जनसञ्चार १०७।९ मेगाहर्जबाट पनि प्रत्यक्ष प्रसारण हुने छ ।
