कोरोना संक्रमित १ लाख ११ हजार नाघ्यो, आज ४,०४७ थप संक्रमित
भक्तपुर, असोज २६ गते
देशभर ४ हजार ४७ जना थप कोरोना संक्रमित हुँदा काठमाण्डौ उपत्यकाका २ हजार २८३ जना संक्रमित भएको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टाको अवधीमा १४ हजार ५३० जनाको पीसिआर परिक्षण गर्दा देशभर ४ हजार ४७ जनामा कोरोना पोजेटिभ पुष्टि गरेको हो । योसँगै कोरोना संक्रमितको संख्या १ लाख ११ हजार २०० पुगेको छ । अहिले ३३ हजार ८८० जना सक्रिय संक्रमित छन् भने पछिल्लो २४ घण्टामा १ हजार ८३१ जना संक्रमित निको भएसँगै कोरोना संक्रमण मुक्त हुनेको संख्या ७७ हजार २७७ जना पुगेको छ ।
सक्रिय संक्रमितहरु मध्ये १३ हजार ९२३ जना संस्थागत आइसोलेसनमा छन् भने १९ हजार ९५७ होम आइसोलेसनमा छन । क्वारेन्टिनमा भने ४ हजार ८३१ छन् । आइसीयूमा २७९ जना र भेन्टिलेटरमा ६७ जना उपचारमा रहेको स्वास्थ्य मन्त्रालयले जनाएको छ । कोरोनका कारण थप सोमबार ९ जनाको मृत्यु भएपछि मुत्यू हुनेको संख्या ६४५ पुगेको छ।
काठमाण्डौ उपत्यकामा आज संक्रमित भएका २ हजार २८३ जना मध्ये काठमाण्डौ जिल्लाका मात्रै ८८८, ललितपुरका २७७ र भक्तपुरका ११८ जना थप संक्रमित भएका हुन ।
