शुक्रबार देशभर २०२० कोरोना संक्रमित १८७१ संक्रमण मुक्त
भक्तपुर, असोज २ गते
पछिल्लो २४ घण्टामा देशभर २हजार २० जना कोरोना संक्रमित थपिन्दा भक्तपुरका ८२ जना संक्रमित भएका छन् । ११ हजार ४ सय ९८ जनाको कोरोना परीक्षण गर्दा काठमाण्डौ उपत्यका ८५९ जना सहति २०२० जना थप कोरोना संक्रमित भएको स्वास्थ्य तथा जनसंख्या मन्त्रालयले जनाएको छ । योसँगै कोरोना संक्रमितको संख्या ६१ हजार ५९३ जना पुगेको छ । संक्रमितहरु मध्ये शुक्रबार एक्कै दिन १ हजार ८७१ जना कोरोना संक्रमणमुक्त भएको मन्त्रालयका प्रवक्ता डा. जागेश्वर गौतमले बताएका छन् । यो संगै कोरोना मुक्त हुनेको संख्या ४३ हजार ८२० पुगेको छ । निको हुनेको दर ७१.१४ प्रतिशत रहेको छ । अहिले सक्रिय संक्रमित १७ हजार ३४३ आइसोलेसनमा रहेका छन् । क्वारेन्टिनमा ७ हजार ७२६ जना छन् भने कोरोना संक्रमणबाट आज थप ७ जनाको मृत्यु भएको छ । योसँगै कोरोना संक्रमण भई मृत्युहुनेको संख्या देशभर ३९० पुगेको छ ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार काठमाण्डौ उपत्यकामा अहिलेसम्मकै बढी कोरोना संक्रमित भएका छन् । शुक्रबार थप संक्रमित भएका ८५९ जना संक्रमितहरु मध्ये काठमाण्डौ जिल्लाका २१६ महिला र ४८२ पुरुष सहित ६९८ जना रहेका छन् भने ललितपुरका ३२ महिला र ४७ पुरुष गरी ७९ जना र भक्तपुरका ४८ महिला र ३४ पुरुष सहित ८२ जना संक्रमित छन् ।
