घरमै मृत्यु भएका भक्तपुरका संक्रमितको आर्यघाटमा अन्त्यष्टी
भक्तपुर, भाद्र १४ गते
घरकै आइसोलेशनमा मृत्यु भएका भक्तपुरका कोरोना संक्रमितको आर्यघाटमा अन्त्यष्टि गर्ने भएको छ । कोरोना संक्रमित शबलाई नेपाली सेनाको टोलीले पशुपति आर्यघाटमा अन्त्यष्टीको लागि लगेको हो । परिबारका केही सदस्यको सहभागितामा शबलाई सुरक्षित रुपले ब्यवस्थापनका लागि आर्यघाटस्थित विद्युतीय शव गृहमा लगिएको स्थानीय वडाध्यक्ष श्यामकृष्ण खत्रीले जनाएको छ । भाद्र ४गते कोरोना संक्रमण पुष्टि भएका भक्तपुर नगरपालिका वडा नम्वर १ का ६५ वर्षीय पुरुषको गएराती मृत्यु भएको उहाँले बताउनु भयो । उच्च रक्तचाप र मधुमेहको औषधी सेवन गरिरहेका अस्वस्थ ति संक्रमितले आफै खाना समेत खान सक्ने अवस्था नभएकाले परिवारका सदस्यको अनुरोधमा अस्पताल नलगि घरकै आइसोलेशनमा राखिएका ती संक्रमितको गएराती निधन भएको उहाँले बताए ।
