भक्तपुर ,१९ पुस
सहकारी संस्थाले आर्थिक कारोवार मात्र होइन, सामाजिक कार्य शिपमुलक तालिम र युवा लक्षित कार्यक्रमहरु गर्नु पर्नेमा जोड दिएका छन् । शरद वचत तथा ऋण सहकारी संस्था लि. जगती भक्तपुरको १२ औं वार्षिक साधारण सभाको उद्घाटन गर्दै भक्तपुर नगरपालिका वडा नम्वर ८का वडाध्यक्ष तथा भक्तपुर ट्क व्यवसायी संघका पूर्व अध्यक्ष महेन्द्र खायमलीले सो कुरा बताएका हुन । सो अवसरमा उहाँले व्याज बढी दिनेमा भन्दा समुदायमा आधारित सहकारी संस्थाहरुमा बचत गर्नुपर्नेमा जोड दिनु भयो । भक्तपुर जिल्ला बचत तथा ऋण सहकारी संघका राजकुमार लघुले संघले सहकारीका संचालक, व्यवस्थापकहरुका लागि विभिन्न क्षमतावृद्धिका तालिमहरु अयोजना गर्दै आएको जानकारी दिनु हुँदै संस्थालाई अझ राम्रो बनाउन आफ्नो संस्था भन्दा राम्रोसंग सञ्चालनमा रहेका सहकारी संस्थाहरुको पनि अध्ययन भ्रमण गर्न जानुपर्नेमा जोडदिनु भयो । सहकारी संस्थाले सदस्य समुदायको आर्थिक उठानसंगै सांस्कृति उठानका लागि पनि साँस्कृतिक गतिविधिहरु आयोजना गर्दै जानुपर्ने बताउनु भयो । संस्थाका अध्यक्ष हरिप्रसाद ध्वाछुको सभापतिमा भएको सो कार्यक्रममा राजकुमार बनमाला र मञ्जु कुम्पाखले समेत बोल्नु भएको थियो ।
