भेरोसेल खोपको अन्तिम खेप ल्याउन निगमको जहाज आज बेइजिङ जाने ।
चीनबाट नेपालले खरिद गरेको ४० लाख भेरोसेल खोपको अन्तिम खेप ल्याउनका लागि नेपाल वायु सेवा निगमको जहाज आज बेइजिङ जाने भएको छ । विमान राति ११ बजे उड्ने र बेइजिङबाट १० लाखभन्दा धेरै मात्रा खोप लिएर भोलि ४ बजे काठमाडौँ अवतरण गर्ने निगमका महाप्रबन्धक डिमप्रकाश पौडेलले सीआईएनसँग बताउनुभयो । उहाँका अनुसार पछिल्लो पटक खोप ल्याउनका लागि निगमले बेइजिङमा गरेको यो चौथो उडान हो । योसँगै नेपालले चीनसँग सरकारीस्तरमा सहमति गरी ल्याएको ४० लाख मात्रा भेरोसेल खोप नेपाल आइपुग्नेछ । सरकारले प्राप्त खोपलाई अग्रभागमा खटिने कर्मचारी, ५० वर्षमाथिका नागरिक र आवश्यकताका आधारमा वितरण गर्ने जनाएको छ ।
