एड्भान्स एक्सेल तालिम शुरु
जेष्ठ ५, गते भक्तपुर जिल्ला बचत तथा ऋण सहकारी संघ लि.को संस्थागत विकास उपसमितिको आयोजनामा अनलाइन एक हप्ते एड्भान्स एक्सेल तालिम शुरु भयो । संघका अध्यक्ष कृष्ष्ण गोविन्द लाखाजुले कोभिड १९ को महामारीको रोकथाममा सहकारी संस्थाहरुको भुमिका महत्वपुर्ण रहेको बताउनुभयो । सहकारीले स्थानीय सरकारहरुलाई सहयोग जुटाउने र घरमा बस्दा समयको सदुपयोग हुने तालिम दिएको कुरा राख्नुभयो । वहाँले यस विषम परिस्थीतीमा सदस्यहरुको स्वास्थ्य सचेता र हेरचाहको लागि सहकारी संस्थाले निरन्तर साथ सहयोगमा भुमिका खेल्नुपर्ने विचार राख्दै संघले तालिम शिक्षालाई प्राविधिमार्फत निरन्तरता दिइहेको कुरा राख्नुभयो । प्रविधिको प्रयोग गर्दै प्राविधिक तालिमले व्यक्तिको क्षमता अभिबृद्धिसंगै सहकारीको कार्यक्षमतामा वृद्धि हुने विचार व्यक्त गर्नु भयो ।
संघका सचिव एवं उपसमितिका संयोजक जगनाथ प्रजापतिले तालिमको संयोजन गर्दै संघको बार्षिक कार्यक्रम अन्तर्गत रहेको एड्भान्स एक्सेल तालिम संस्थाहरुमा कार्यरत कर्मचारीहरुको कार्य दक्षता अभिवृद्धि गर्न संचालन गर्दै आएको कुरा बताउनुभयो ।
संघका व्यवस्थापक बालकृष्ण धोजुले कार्यक्रमको संचालन गर्दै सहभागीहरुलाई स्वागत गर्नुभयो । तालिम पुर्णतया अभ्यासमा आधारीत भएकोले व्यक्तिगत ज्ञान, सिप र कार्यक्षमतामा बृद्धि भई संस्थाको कार्य कुशलतामा सहयोग पुग्ने विचार राख्नुभयो । सहजकर्ता विश्वराम मचामसीले सहजिकरण गरेको सो तालिममा १९ जनाको सहभागिता रह्यो ।
