भक्तपुरमा कोरोना संक्रमित ३,३५१, मृत्यु ३७ जना र सक्रिय संक्रमित १,५५२ जना
भक्तपुर, असोज २६ गते
कोरोना भाइरसबाट भक्तपुर जिल्लामा ३,३५१ जना संक्रमित भएका छन् । ५,९०४ जना महिला र ८,९७७ जना पुरुष गरी १४,८८१ जनाको पीसिआर परीक्षण गर्दा १,४५४ महिला र १,८९७ गरी ३,३५१ जनामा कोरोना पोजेटिभ देखिएको स्वास्थ्य कार्यालय भक्तपुरले जनाएको छ । संक्रमितहरु मध्ये ७६२ महिला र १,००० पुरुष गरी १७६२ जना कोरोना मुक्त भएपछि अहिले ६८२ महिला र ८७० पुरुष गरी १,५५२ सक्रिय संक्रमित रहेको कार्यालय प्रमुख कृष्णवहादुर मिजारले जनाएको छ । कार्यालय प्रमुख मिजारका अनुसार संक्रमित भएका मध्ये १० महिला र २७ पुरुष गरी ३७ जनाको निधन समेत भइसकेको छ ।
हाल सक्रिय संक्रमितहरु मध्ये १२२ महिला र २१३ पुरुष गरी ३३५ जना विभिन्न अस्पतालहरुको आइसोलेसनमा रहेका छन् भने ५६० महिला र ६५७ पुरुष गरी १२१७ होम आइसोलेसनमा छन् । यो अवधिमा भक्तपुरका १९१ महिला र ६४ पुरुष गरी २५५ जना स्वास्थ्यकर्मी तथा ३० महिला र २४१ पुरुष गरी २७१ सुरक्षाकर्मीहरु समेत कोरोना संक्रमित भएका छन् ।
संक्रमित ४३१ महिला र ५६६ पुरुष गरी ९९७ मा लक्षण सहितको कोरोना भाइरस लागेको छ ।
जिल्लामा सबै भन्दा बढी मध्यपुर थिमी नगर क्षेत्रमा कोरोना संक्रमण देखिएको छ । त्यहाँ अहिलेसम्म १,२२३ जना संक्रमित भएका छन् त्यसपछि भक्तपुर नगरपालिकामा ९०५ जना संक्रमित भएको छ । सूर्यविनायक नगरपालिकामा ८४५ र चाँगुनारायण नगरपालिकामा ३३१ जना मात्र संक्रमित छन् । संक्रमितहरु मध्ये मध्यपुर थिमी नगरपालिकाका ७१३, भक्तपुर नगरपालिकाका ५०९, सूर्यविनायक नगरपालिकाका ३६१ र चाँगु नारायण नगरपालिकाका १७९ जना कोरोना संक्रमितहरु निको भइसकेका छन् ।
स्वास्थ्य कार्यालय भक्तपुरका अनुसार अहिले सक्रिय संक्रमित भक्तपुर नगरपालिकामा ३८५, चाँगुनारायण नगरपालिकामा १५१, मध्यपुर थिमी नगरपालिकामा ५१५ सूर्यविनायक नगरपालिकामा ४७६ र अरु ४७ जना गरी ८९३ महिला र ६८१ पुरुष गरी १,५७४ जना रहेका छन् ।
संक्रमितहरु मध्ये भक्तपुर नगरपालिकाका ११, चाँगुनारायण नगरपालिकाका १, मध्यपुर थिमी नगरपालिकाका १७ र सूर्यविनायक नगरपालिकाका ८ गरी २७ पुरुष र १० महिला गरी ३७ जनाको निधन भइसकेको छ ।
स्वास्थ्य कार्यालय भत्तपुरको पछिल्लो जानकारी अनुसार हाल भक्तपुर नगरपालिकाका ९१, चाँगु नपाका ३५, मध्यपुर थिमी नपाका १०३ र सूर्यविनायक नपाका ७८ जना गरी २९३ पुरुष र १०४ महिला सहित ३०७ अस्पतालको आइसोलेसनमा छन् भने भक्तपुर नपाका २९४, चानपाका ११६, मध्यपुर थिमी नपाका ४१२ र सूर्यविनायक नपाका ३९८ जना गरी ६९० पुरुष र ५७७ महिला सहित १,२६७ जना होम आइसोलेसनमा रहेका छन् ।
