नवनिर्वाचित पदाधिकारीहरुलाई बढाई शुभकामना
भक्तपुर, चैत्र २३ गते
स्वतन्त्र पत्रकार संघ भक्तपुरले स्वतन्त्र पत्रकार संघ केन्द्रीय समितिको हालै नवलपुरमा सम्पन्न ५ औं अधिवेशनमा सर्वसहमतिले विजयी भक्तपुरका नवनिर्वाचित पदाधिकारीहरुलाई बढाइज्ञापन तथा शुभकामना व्यक्त गरेका छन् । जिल्ला शाखाका संस्थापक अध्यक्ष इन्दुल केसीको अध्यक्षतामा आयोजित सो कार्यक्रममा सहभागि पत्रकार तथा शुभचिन्तकहरुले नवनिर्वाचित केन्द्रीय सदस्य प्रेमध्वज लामा र सुरेश सैंजूलाई खाडा खोडाएर सफलताको शुभकामना व्यक्त गरेका थिए ।
जिल्ला शाखा भक्तपुरका अध्यक्ष रेणु त्वायनाबासुको सभापतित्वमा सम्पन्न सो कार्यक्रममा नवनिर्वाचित केन्द्रीय सदस्य प्रेमध्वज लामाले भक्तपुर जिल्ला शाखाको क्रियाशिलताले देशभरका स्वतन्त्र पत्रकार आकर्षित रहेको चर्चा गर्दै केन्द्रीय नेतृत्वमा चयन गरेकोमा सहभागिहरुलाई धन्यवादज्ञापन गर्नु भयो भने अर्का नवनिर्वाचित केन्द्रीय सदस्य सुरेश सैंजूले स्वतन्त्र पत्रकारिताकालागि निरन्तर क्रियाशिल पत्रकारहरुको सहभागिता नै हाम्रो सफलता भएको भन्दै सामुहिक छलफलबाट गरिएको निर्णय कार्यन्वयन नै समितिको सफलता हुने तथा यो नै हाम्रोलागि भविष्यको उर्जा रहेकाले सक्षम र योग्य व्यक्तिलाई जिम्मेवारिताकालागि नेतृत्वमा पुर्याउनुपर्नेमा जोड दिएका थिए । सो अवसरमा शाखाका सदस्य राजन कार्की र उपाध्यक्ष मनिराम लामिछानेले पनि बोलेका थिए ।
