होटेल एसोसिएसन अफ भक्तपुरको अध्यक्षमा अवाल निर्वाचित
भक्तपुर, जेष्ठ १० गते
होटेल एसोसिएसन अफ भक्तपुर (ह्याभ)को नयाँ कार्य समिति सर्व सहमतिमा चयन गरेको छ । आज भक्तपुरको कमलविनायकमा आयोजित ह्याभको छैठौं वार्षिक साधारणबाट कृतन अवालको अध्यक्षमा ११ सदस्यीय नयाँ कार्य समिति गठन भएको हो ।
वागमती प्रदेशका स्वास्थ्यमन्त्री किरण थापाले उद्घाटन गरेको सो अधिवेशनबाट ह्याभको प्रथम उपाध्यक्षमा सुजन हाडा, द्धितीय उपाध्यक्षमा सुमन दथेपुथे, सचिवमा रञ्जित मारिखू र कोषाध्यक्षमा कैलाश धौबञ्जार सर्वसम्मत निर्वाचित भएका हुन् । सदस्यहरुमा स्नेहा मास्के, उर्मिला जधारी, रोशन ग्वाछा, मृगेन्द्र श्रेष्ठ, हरिश्याम श्रेष्ठ र जीवन गोसाई निर्वाचित भएका हुन् ।
कार्यक्रममा भक्तपुरका प्रमुख जिल्ला अधिकारी गोपालप्रसाद अर्याल, भक्तपुर उद्योग वाणिज्य संघका अध्यक्ष रोशनीमैयाँं धौबञ्जालगायतले होटेल व्यवसायलाई राति ११ बजेसम्म सञ्चालन गर्न सके पर्यटन प्रवद्र्धनमा टेवा पुग्ने सहित विभिन्न धाराण राखेका थिए ।
