महेश्वरी खेल मैदानमा व्यापार मेलाको तयारी
भक्तपुर, मंसिर १५ गते
मंसिर २८ गते देखि पुस २ गतेसम्म आयोजना हुने भक्तपुर महोत्सवलाई भव्यरुपमा मात्र होइन व्यापारीक रुपमा पनि सफल पार्ने तयारी थालेको छ । भक्तपुर युवा टिम गोल्मढी भक्तपुरको संयोजनमा भक्तपुरको महेश्वरीखेल मैदानमा व्यापारी मेला आयोजना गर्ने तयारी गरेको हो । महेश्वरी खेल मैदानमा विभिन्न व्यवासायिक स्थलहरु सहित साँस्कृतिक मेला, बाल मेला, खेल मेला पनि आयोजना गर्ने तयारी भएको युवा टिमले जनाएको छ । खाद्यान्न, लत्ता कपडा, अटोमोबाइल्स, इलेट्रिक तथा इलोट्रोनिक्स एवं जुट्टा चपल, निर्माण सामग्री सहितका १ सय ५० स्थलहरुको व्यापारिक मेला आयोजनाको तयारी भएको आयोजक समितिले जनाएको छ । व्यापार मेलाका लागि स्थल बुकिङ्ग खुल्ला रहेको भन्दै आयोजक समितिले व्यापार मेलामा स्थानीय उत्पादन देखि राष्ट्रिय अन्तर्राष्ट्रिय उत्पादनहरु समेत प्रदर्शनीमा राखिने जनाएको छ ।
