बोडेमा २६ औं विविध भाषा सम्मेलन आयोजना
भक्तपुर, कार्तिक १७ गते
भाय, कला व संस्कृति म्वाकेनु, राष्ट्रिय भावना बोलंकेनु अर्थात भाषा, कला र संस्कृति बचाऔं, राष्ट्रिय भावना जगेर्ना गरौं नाराका साथ मध्यपुर थिमीका विभिन्न क्षेत्रमा आयोजना हुँदै आएको विविध भाषा साहित्य सम्मेलनको २६ औं सृंखला शनिबार बोडेमा सम्पन्न भएको छ । विविध भाषा साहितिक समाजद्वारा आयोजित २६ औं विविद् भाषा साहित्य सम्मेलन तथा सांस्कृतिक कार्यक्रममा संस्कृति गुरु कृष्णभक्त होनालाई सम्मानित गर्दै तथा समाजका अध्यक्ष प्रेम के निडरद्वारा लिखित न्हुपिं जुजुपिं (नयाँ राजाहरु) लघु कथा संग्रह र २६ औं विविध साहित्य सम्मेलनको स्मारिका विमोचन गर्दै एवं विभिन्न विषयविज्ञ चिकित्सक, सामाजिक अभियान्ता, राजनितिज्ञहरुको मन्तव्य एवं विभिन्न भाषाभाषिहरुको साहित्य वाचन तथा साँझ साँस्कृतिक कार्यक्रम सहित सम्पन्न भएका हो । नेपाल सम्वतको पहिलो दिन म्हपुजाको अवसरमा ११४५ न्हु दँ या भिन्तुना सहित विविध भाषा साहित्य सम्मेलन आयोजना भएको हो ।
नेपाल मजदुर किसान पार्टीका अध्यक्ष नारायणमान विजुक्छेको प्रमुख आतिथ्यतामा आयोजना गरेको २६ औं विविध भाषा साहित्य सम्मेलनको नीलबाराही गणनाचका भैलद्यो बासुदेव अदुवाले उद्घाटन गरेका थिए भने अग्रज किसान कार्यकर्ता रुद्रकुमार साहुको सभापत्विमा कार्यक्रम आयोजना भएको थियो । सम्मेलनमा वाचित उत्कृष्ठ साहित्यकारहरुलाई सम्मेलनका विशेष अतिथि सांसद एवं नेमकिपा सचिव प्रेम सुवालले पुरस्कृत गरेका थिए भने साँस्कृतिक कार्यक्रमका उत्कृष्ठ प्रस्तुतीहरुलाई नेमकिपा मध्यपुर थिमीका अध्यक्ष रमेश बैद्यले पुरस्कृत गरेका थिए । सम्मेलनको जनसञ्चार टेलिभिजनले प्रत्येक्ष प्रसारण गरेको छ ।
