मदक पदार्थ बिक्रि वितरणमा रोक
भक्तपुर, चैत्र २५ गते
विस्का जात्रालाई शान्तिपूर्ण र भव्यरुपमा मनाउन भक्तपुर प्रहरीद्वरा आज देखि भक्तपुर नगरमा जाड रक्सी बेच बिखनमा रोक लगाएको छ । जाड रक्सीजन्य पदार्थहरु पसलमा समेत राख्न रोक लगाउँदै प्रहरीले आज चैत्र २५ गतेदेखि बैशाख ५ गतेसम्म त्यस्ता मादक पदार्थ पसलमा नराख्न र बिक्रि बितरण समेत नगर्न आग्रह गरेका हुन । प्रहरी टोलीले आज भक्तपुर दरवार क्षेत्र देखि इटाछे. तेखापुखु, नासमना हुँदै तौमढीसम्मका पसलहरुहरुको निरिक्षण गरि बेचविखनकालागि रोखका मदिराजन्य वस्तुलाई हटाउन लगाएका हुन । विश्वप्रसिद्ध भक्तपुरको विकास जात्रालाई शन्तिपूर्ण रुपमा आयोजना गर्न जात्रा हुने क्षेत्रमा सिसि टिभीले निगरानी राख्ने, ड्रोन क्यामेराले निगरानी गर्ने तथा जात्रा अवधिमा झै झगडा गर्ने व्यक्तिहरुको अभिलेख राखि थप कार्वाही गर्ने चेतनवनी सहित भक्तपुर प्रहरीले विस्का जात्राको सुरक्षा तयारी भइरहेको भक्तपुर जिल्ला प्रहरीका साूचना अधिकारी एव. प्रहरी नायव उपरिक्षक प्रकाश जवेगुले जनाएको छ।
