भक्तपुरमा मृगौला पद्यात्रा, सन्दर्भ विश्व मृगौला दिवस
भक्तपुर, फागुण २७गते
विश्व मृगौला दिवसको अवसरमा भक्तपुरमा सचेतनामूलक मृगौला पदयात्रा आयोजना गर्ने भएको छ । शहीद धर्मभक्त प्रत्यारोपण केन्द्र भक्तपुरले भोली विहान दरवार क्षेत्र भक्तपुरमा प्रभातफेरी आयोजना गरी केन्द्र परिसरमा विशेष कार्यक्रम आयोजना गरिने केन्द्रका प्रमुख डा.कल्पना श्रेष्ठले जनाएको छ । किड्नी हेल्थ फर अल, केरिङ फर पिपल, प्रोटेक्टिङ द प्लानेट नाराका साथ विश्वभर मनाइने यो दिवस मनाईदै छ । नसर्ने रोगहरु मध्ये ९ औं स्थानमा रहेको मृगौला दिवसको अवसरमा नेपाल सरकारका स्वास्थ्य मन्त्रीको प्रमुख आतिथ्यतामा भक्तपुरमा विश्व मृगौला दिवस मनाउने भएको हो । नेपालमा प्रत्येक वर्ष ३ हजार जनाको मृगौला फेल हुने गरे पनि सो अस्पतालको स्थान अभावका कारण वर्षमा १८० देखि २ सय जनाको मात्रै मृगौला प्रत्यारोपण हुन सकेको चर्चा गर्दै डा. श्रेष्ठले स्थानीय विरामीहरुकालागि सहज उपचार गर्न स्थानीय स्तरमै अंग प्रत्यारोपण केन्द्रहरुको विस्तार गर्न आवश्यक भएको भन्दै हरेक नागरिकले कम्तिमा पनि वर्षको एक पटक वा प्रत्येक ६ । ६ महिनामा मृगौला परिक्षण गराउन सके स्वस्थ हुन सकिने धारणा राखेका छ । मधुमेह र उच्च रक्तचापका कारण मृगौला रोगीको संख्या बढेको उल्लेख गर्दै यस वर्षको विश्व मृगौला दिवसको सन्दर्भमा मृगौला रोग र उपचारको बन्दोवस्ती बारे जनचेतना जगाउने विभिन्न कार्यक्रम आयोजना गरी सो दिवस मनाई रहेको बताउनु भयो । यस वर्षको विश्व मृगौला दिवसको अवसरमा समुदायको मृगौला परिक्षण गर्ने अस्पतालका चिकित्सक, कर्मचारीहरुको मृगौलाको अवस्था बारे जानकारी दिन कार्यरत ४ सय जना कर्मचारीहरुको मृगौला परिक्षण समेत सम्पन्न गरेको अस्पतालका प्रमुख डा. श्रेष्ठले जनाएको छ । सरकारले मृगौला रोगको निःशुल्क उपचारको व्यवस्था गरेको भए पनि यो रोग लाग्नै नदिन र लागि हाले पनि आतिन्न नपर्ने तथा उपचारका लागि विदेशसम्म जान्न नपर्ने गरी स्वदेशमै विश्वस्तरको उपचार प्रविधि विकास भएको पनि उहाँले जनाएको छ ।
