एसईई नतिजा सार्वजनिक, २०७१ सालको स्तरमा मात्रै परीक्षार्थी उत्तीर्ण
भक्तपुर, असार १३ गते
राष्ट्रिय परीक्षा बोर्डले आज विहान पत्रकार सम्मेलन गरी माध्यमिक शिक्षा परीक्षा (एसइई) २०८०को नतिज्ञा प्रकासित गरेको छ । आज सार्वजनिक गरेको माध्यमिक शिक्षा परीक्षा (एसइई) मा ४७ दशमलव ८६ प्रतिशत विद्यार्थी उत्तीर्ण भएका छन् । प्रकासित नतिजा अनुसार अनुर्तिण हुनेको संख्या बढी रहे पनि राम्रो ग्रड ल्याउने परीक्षार्थीको संख्या पनि राम्रै रहेको बोर्डका अध्यक्ष प्रा. डा. महाश्रम शर्माले जनाएको छ । नतिजा अनुसार परीक्षामा चार लाख ६४ हजार सात सय ८५ जना सहभागी भएका मध्ये एक सय ८६ जनाले ४ जीपीए ल्याएका छन् भने परीक्षामा सहभागीमध्ये ५२ दशमलव १४ प्रतिशत परीक्षार्थी अनुत्तीर्ण भएका थिए । यो नतिज्ञा २०७१ सालको जस्तै खस्केको भन्दै पत्रकार सम्मेलनमा सहभागि शिक्षा पत्रकार मकर श्रेष्ठले एक लाख १४ हजार ४८ छात्र र एक लाख २८ हजार दुई सय ५७ छात्रासहित कुल दुई लाख ४२ हजार तीन सय १३ परीक्षार्थीको ‘एनजी’ अर्थात् ‘ननग्रडेड’ आएको राम्रो विषय नभएको टिप्पणी गरेका छन् ।
हरेक वर्ष राष्ट्रिय परीक्षा बोर्डले नतिज्ञा प्रकाशनसँगै शैक्षिक सुधारका विषय उठान गर्ने गरे पनि सरोकारवालाहरुको ध्यान अझै नपुगेको प्रकासित नतिजाले देखाएको अर्का शिक्षा पत्रकार विनोध घिमिरेले प्रतिकृया दिएका छन् । परीक्षार्थीहरु अंग्रेजी, गणित र विज्ञान तीन विषयमा बढी अनुतिर्ण हुनुको मुख्य कारण विषयविज्ञ शिक्षकहरुको अभाव भएको उहाँहरुको टिप्पणी थियो । एसईईको परीक्षा फल हेर्न खोताङ देखि सानो थिमि आई पुगेका परीक्षार्थी मनिस भुजेलले सामुदायिक विद्यालयहरुलाई पनि इग्लिस मिडियममै पठनपाठन गर्न सके र छिन छिनमा शिक्षक फेर्न राजनीति नगरेको भए दुरदराजका विद्यालयका विद्यार्थीहरुले पनि राम्रो ग्रेड ल्याउन सकिने धारणा राखेका छन् । बोर्डका अध्यक्ष शर्माले एउटा विषयमा एनजी आउने ६७ हजार सात सय ९३ र दुई विषयमा एनजी आउने ४८ हजार ३८ विद्यार्थी रहेको जानकारी दिनुभयो । दुई सय २१ जनाको परीक्षा रद्द भएको छ । यस वर्ष लेटर ग्रेडिङ निर्देशिका, २०७८ अनुसार नतिजा सार्वजनिक गरिएको हो । सैद्धान्तिक ७५ पूर्णाङ्क विषयमा कम्तीमा २७ अङ्क र आन्तरिक मूल्याङ्कन २५ पूर्णाङ्कमा कम्तीमा १० अङ्क प्राप्त गर्नुपर्ने हुन्छ । एक सय पूर्णाङ्कमा कम्तीमा ३७ अङ्क ल्याउनुपर्ने, त्योभन्दा कम अङ्क आएमा ‘एनजी’ ननग्रेडड आउँछ । यस वर्षको एसइईमा सबैभन्दा बढी गणितमा एनजी आएको छ । गणित विषयमा एक लाख ७७ हजार नौ सय ८५ विद्यार्थीको एनजी आएको छ । विज्ञानमा एक लाख २६ हजार नौ सय ३३ तथा अङ्ग्रेजीमा एक लाख एक हजार तीन सय ८३ विद्यार्थीको एनजी आएको बोर्डका अध्यक्ष शर्माले जानकारी दिनुभयो । सामाजिकमा ७३ हजार आठ सय ७७, नेपालीमा ६० हजार पाँच सय ३२, अर्थशास्त्रमा ६९ हजार चार सय १६ तथा ऐच्छिक गणितमा २० हजार तीन सय ५२ विद्यार्थीको एनजी आएको छ । दुई विषयसम्म एनजी आउने विद्यार्थीको हकमा पुरक परीक्षा आगामी साउन १८ र १९ गतेलाई तोकिएको छ ।
