मोटरसाईकल दुर्घटनामा एकको मृत्यु
बैशाख ८ गते, भक्तपुर
सवारी दुर्घटनाबाट एक जनाको मृत्यु भएको छ । आज दिउँसो कमलविनाकयमा भएको मोटरसाईकल दुर्घटनामा एक जनाको ज्यान गएको महानगरीय प्रहरी परिसर भक्तपुरले पुष्टि गरेको छ । आज दिउँसो खरिपाटीबाट कमलविनायक तर्फ आउँदै गरेको बा.प्र. ०२ ०२४ प १४०१ नं.को मोटरसाईकल आफै अनिन्त्रित भई दुर्घटना हुँदा मोटरसाईकल पछाडि बसि आएका ४० वर्षिय रामराज राई घाईते भएको र घाईते राईको मध्यपुर अस्पतालमा उपचारकोक्रममा आज दिउँसो मृत्यु भएको प्रहरीले जनाएको हो । राईको मृत्युपछि मोटरसाइकल चालक अबिन कुमार सार्कीलाई प्रहरीले नियन्त्रणमा राखी थप अनुसन्धान कार्य भइरहेको सूचना अधिकारी राजन कार्कीले जनाएको छ ।
