सिद्धिस्मृति प्रतिष्ठानको सिद्धिस्मृति प्रतिष्ठानको २१ औं वार्षिक साधारण सभा
भक्तपुर, कार्तिक २५ गते
सिद्धि स्मृति प्रतिष्ठान भक्तपुरले आज प्रतिष्ठानको सभाहलमा एकाइसौं वार्षिक साधारण सभा आयोजना गरेको छ । सो साधारण सभाकोप्रतिस्ठानद्वारा सञ्चालित सिद्धि शालिग्राम ज्येष्ठ नागरिक आश्रमका ९२ वर्षिय जेष्ठ नागरिक बेखा नारायण महर्जनले पानसमा दीप प्रज्वलन गरी उद्घाटन गरेका हुन् । प्रमुख अतिथी महर्जनले साधारण सभाको उद्घाटन गर्दै भने छोरा छोरीहरुले धेरै आश्रमहरुमा राख्न लगे चित्त बेझेको थिएन । सिद्धि शालिग्राम राम्रो छ भनेर छोरा छोरीले ल्याए राम्रै रहेछ । यहाँबाट अन्त जाने मन छैन् । यतै बस्ने छु ।
सिद्धि स्मृति प्रतिष्ठान सुरु भएको ३० वर्ष भयो । कानुनी रुपमा २१ औं साधारण सभा मनाउँदै छौं सभाका अध्यक्ष श्याम सुन्दर धौभडेलले बताए । जीवनमा केही गर्नुपर्छ भन्ने सिद्धिको स्मृतिमा आज यहाँसम्म आई पुग्यौं संस्थापक एवं आजीवन अध्यक्ष धौभडेलले बताए । ३० वर्षको सेवा अवधिमा राष्ट्रिय अन्तर्राष्ट्रिय स्तरसम्म सिद्धि स्मृति प्रतिष्ठान र अस्पतालले दिइ आएको सेवाहरु प्रशंसाको विषय बनेको छ उहाँले बताए ।
सामान्य स्वास्थ्य केन्द्रबाट महिला तथा बाल विशेषज्ञ अस्पतालको रुपमा विकोस गर्न धेरैसँग हात फैलाउदै सधै मागेर सेवा दिनुपरेको थियो तर आज अस्पतालको राम्रो सेवाबाट २ सय जना डाक्टर नर्स र कर्माचारीहरुलाई पाल्न सक्ने भएका छौं अध्यक्ष धौभडेलले स्मरण गर्नु भयो । फेरी अस्पतालको नयाँ भवन बनाउदै छौं। टेण्डरबाट भवन निर्माण गर्दा १४ करोड पर्ने देखियो, यसलाई विशेषज्ञहरुसँग परामर्श गर्दा बलियो र गुणस्तरीय अस्पतालको भवन बन्ने गरी १०।११करोड मै निर्माण कार्य थालनी भएको छ, उहाँले बताए ।
साधारण सभाले संस्थापक अध्यक्ष श्यामसुन्दर धौभडेलको अध्यक्ष र संस्थापक उपाध्यक्ष रञ्जना धौभडेलको उपाध्यक्षकत्वमा नयाँ कार्य समिति चयन गरेको छ । नयाँ कार्य समितिमा सदस्य सचिव हरिाम लवजू, कोषाध्यक्षमा योगेन्द्र भुपाल मल्ल, सदस्यहरुमा डा. रामकृष्ण चन्द्य, चण्डिका अमात्य, सुषमा पोखरेल, श्यामप्रसाद न्यौपाने र सृजना धौभडेल रहेका छन् भने अध्यक्ष धौभडेलले थप दुई जना पदाधिकारीहरु मनोनयन गरेका थिए ।
सिद्धिको सम्झनामा २१ वटा दिप प्रज्वलन र एक मिनेट मौनधारण गर्दै सुरु भएको सो साधारण सभामा संस्थापक उपाध्यक्ष रञ्जना धौभेडलले धन्यवाद ज्ञापन गरेको सो कार्यक्रममा प्रतिष्ठानका उत्तमनारायण मल्ल, सुष्मा पोखरेल, श्यामप्रसाद न्यौपानेले सुभकामना मन्तव्य व्यक्त गरेका थिए ।
