कमलविनायक साकोसले मनाए, १५ औं वार्षिक साधारण सभा
भक्तपुर, पुस ३० गते
कमलविनायक बचत तथा ऋण सहकारी संस्था लि.ले आज १५ औं वार्षिक साधारण सभा आयोजना गरेको छ । भक्तपुर नगरपालिका वडा नम्वर १०का वडाध्यक्ष लक्ष्मीप्रसाद ह्यौमिखाको प्रमुख आतिथ्यतामा आयोजित उक्त साधारण सभामा भक्तपुर जिल्ला बचत संघका सचिव जगनाथ प्रजापति, भक्तपुर साकोसका राजेश प्रजापति, सिद्धिगणेश साकोसका अध्यक्ष रुद्रनारायण लाखा र गुरु गणेश साकोसका रामकृष्ण लवजूले शुभकामना मन्तव्य ब्यक्त गरेका थिए । ।
संस्थाका अध्यक्ष कृष्णप्रसाद लाखाको सभापतित्वमा भएको सो साधारण सभामा संस्थाका सचिव सुनिल मगजुले वार्षिक प्रगति प्रतिवेदन, कोषाध्यक्ष नारायणप्रसाद ह्यौमिखाले आर्थिक प्रतिवेदन तथा आ.ब. २०७९।८० को अनुमानित बजेट र रमेश माकजुले लेखा सुपरिवेक्षण समितिको प्रतिवेदन प्रस्तुत गरेका थिए ।
सुरक्षित बचत, सुरक्षित जीवनको लागि उद्घोष गर्ने कमलविनायक साकोसले गत वर्ष ६ करोड ७२ लाख ७४ ५७५ बचत निक्षेप संकलन गरी ६ करोड ८८ लाख ६४ हजार ७४३ ऋण लगानी गरी ७ लाख ६९ हजार ९४१ मुनाफा कमाउन सफल भएको छ । ७३ लाख १९ हजार ५ सय शेयर पूँजी विस्तार भएको सो सहकारीको कूल सम्पत्ति ८ करोड ६६ लाख ७ हजार ७१९ रुपियाँ रहेको संस्थाका अध्यक्ष कृष्णप्रसाद लाखाले प्रतिवेदनमा उल्लेख गरेको छ ।
प्रमुख अतिथी भनपाका जनप्रतिनिधी लक्ष्मीप्रसाद ह्यौंमिखाले सो अवसरमा प्रमाण पत्र तथा सम्मान पत्र वितरण गर्नु भएको थियो ।
