भक्तपुर, चैत्र १८ गते
भक्तपुर नगरपालिकाले आज देखि नगरवासीहरुका लागि आवतजावत अनुमति पत्र वितरण गर्न थालेको छ । विश्वव्यापी कोरना भाइरस संक्रमण जोखिम न्यूनिकरणका लागि नगरवासीहरुको सुरक्षित हिडदुलका लागि सो पास वितरण गरिएको हो । एउटा घर वा परिवारका लागि एउटा कार्ड वितरण गर्दै संकतकालिन यो अवस्थामा हुलमुलमा नहिड्न तथा सुरक्षा जाँचबाट पनि सुरक्षित हुने हिसावले यो पास वितरण गरिएको हो । अति आवश्यक कामका लागि घर बाहिर जानै परेको अवस्थामा पास कार्ड अनिवार्य लिएर मात्रै नगवासीहरु हिलडुल गर्न अनुरोध गर्दै नगरपालिकाका जनप्रतिनिधी र कर्मचारी तथा स्वयंसेवकहरुको टोलीले घरघरमै पुगेर सो पास वितरण गरिएको हो । अव बजारमा तरकारी बेच्ने र किनेले पनि कार्ड लिएर हिड्नुपर्ने हुन्छ । जोसँग कार्ड छ, उमात्र हिड्न पाउँछ यसले एउटा परिवारबाट एक जना मात्रै बाहिर आउन पाउने हुने भएपछि बजारमा जनधनत्व पनि कम हुने विश्वास लिएको छ । कोरना भाइरसको जोखिम न्यूनिकरण र व्यवस्थापनका लागि भक्तपुर नगरपालिकाको नगर परिषदले सोमबार नगरवासीहरुलाई पास वितरण गर्ने निर्णय गरेको थियो । सो पास बुधबार देखि लागु हुने जनप्रतिनिधी शिव बालाले बताएका छन् । उनका अनुसार नगरवासीहरुको घर घरमै पुगेर जनप्रतिनिधीहरुले पास कार्ड वितरण हुने छ । हाललाई एउटा घरलाई एउटा पासको व्यवस्था गरी भनपा ८मा पास वितरण भइरहेको छ । एक भन्दा बढी परिवार रहेकालाई पनि अहिलेलाई एउटै पासबाट काम चलाउनुपर्ने र वडा छोडेर अन्यत्र बसेका नगरवासीहरुले पनि आफू बसेकै वडाबाट पास लिन उपयुक्त हुने जानकारी दिनु भएको छ ।
