रु.७ लाखमा मध्यपुरमा वः फेस्टिवल हुने
मध्यपुर थिमी, बैशाख ३१ ग्ते
नेवार समुदायको बर्षको अन्तिम चाँड सिठि नखाःको अवसरमा मध्यपुर थिमीमा वः (बारा) महोत्सव हुने भएको छ । मध्यपुर पर्यटन विकास समितिको आयोजनामा जेष्ठ ६ गते सिठि नखाःको दिन मध्यपुर थिमी नगरपालिका वडा नं. ४स्थित दुई पोखरी प्रांगनमा वः (बारा) महोत्सव गर्ने भएका हुन । वः (बारा) को सांस्कृतिक महत्वलाई झल्काउँदै मध्यपुर थिमीको मौलिक उत्पादनलाई प्रोत्साहित र आन्तरिक तथा बाह्रय पर्यटक प्रवर्धनकालागि वः फेस्टिवल आयोजनाको तयारी गरेको आयोजक समितिका अध्यक्ष रमेश प्रजापतिले जनाए । अध्यक्ष प्रजापतिका अनुसार वः फेस्टिवलमा वःका विभिन्न ८।१० प्रकारहरु पस्कदै अन्य नेवारी खानाका परिकारहरुको स्थलहरु समेत राखेर फेस्तिवल आयोजना गर्ने भएका हुन ।
मध्यपुर थिमी नगरपालिकाको ५ लाख र स्थानीयहरुको दुई लाख गरी ७ लाख वजेटमा सो महोत्सव आयोजना हुने कुरा आज मध्यपुरमा आयोजित पत्रकार सम्मेलनमा आयोजकहरुले जानकारी दिए । नेवार समुदायको विभिन्न मौखिक खानाका परिकार मध्ये मास, मुगीको रोटि अर्थात वः (बारा) हुन । फेस्टिवलले वःको परिचय र परिकारहरुको प्रस्तुतीकरणसँगै जेष्ठ ६ गते विहान १० बजे देखि साँझ ७ बजेसम्म वः फेस्तिवल आयोजना गर्ने भएका हुन । परम्परागत वःसँगै अहिलेको ब्यवसायिक वःलाई पनि स्थान दिएर मध्यपुर थिमीका पर्यटकिय गणतव्यको पहिचान, विकास र प्रर्वधन गरी समुदायको आय आर्जन गर्ने उदेश्यले वः फेस्टिवल गर्ने आयोजकहरुको उदेश्य छ । वः फेस्टिवल सफल पार्न रु३ लाख कुपन बुकिंगको सुनिश्चितता सहित वः फेस्टिवलको तयारी भएको आयोजकहरुको भनाई छ । रु. ५० देखि एक सय रुपियाँ सम्मका ८।१० प्रकारका मास, मुगी अण्डा, मासुका वःका परिकारहर महोत्सवमा पस्किन १५ वटा व्यवसायीक नेवारी रेष्टुरेन्टहरुका स्थलहरु राख्ने आयोजकहरुको तयारी छ । फेस्टिवलमा १५ वटा वःका स्थलहरु र अन्य १० वटा मध्यपुर थिमीको तिगनीको चिउरा सहित १० वटा मौलिक उत्पादन र हस्तकलाका सामग्रीहरुका स्थलहरु राखिने छ ।
क्यान्सर रोग बारे जनचेतना अभिवृद्धि गर्ने स्वास्थ्य शिविर र पोषणविज्ञको प्रस्तुती समेत राखेर वः फेस्टिवलबाट मध्यपुर थिमीको आथिर्क, सांस्कृति, सामाजिक र स्वास्थ्य सचेता दिने आयोजकहरुको तयारी छ ।
स्थानीय वडाध्यक्ष बालकृष्ण श्रेष्ठले भू वःको सांस्कृतिक महत्व बारे जानकारी दिदै मध्यपुर थिमी नगरपालिकाले मध्यपुर थिमीलाई पर्यटकीय गण्तव्यस्थलको रुपमा विकास गर्न यस्तो महोत्सबहरु नियमित रुपमा आयोजना गर्दै जानुपर्नेमा जोड दिए ।
पत्रकार सम्मेलनमा सहभागि पत्रकारहरुले फेस्टिवल बारे विभिन्न जिज्ञासाहरु राख्दै वः बारे विस्तृत जानकारी आउने गरी स्थानीयको सहभागितामा फेस्टिवल आयोजना गर्न आयोजकहरुलाई सुझाएका थिए ।
