नेपालको कुखुराको मासु र अण्डा स्वस्थकर छ!
मध्यपुर थिमी,फागुण १५ गते
नेपालबाट उत्पादन हुने कुखुराको मासु र अण्डा गुणस्तरीय तथा स्वस्थवद्र्धक रहेको सरोकारवालाहरुले जनाएका छन् । कुखुराको दाना, भ्याक्सिनहरुबाट कुखुराको मासु र अण्डा अस्वथ्यकर भयो भन्ने गुनासो आइरहेको बेला यसका सरोकारवालहरुले नेपालमा उत्पादन भएका कुखुरा र अण्डामा मिसावत नभएको दाबी गरेका हुन । विश्व प्रोतिन दिवसको अवसरमा आज मध्यपुर थिमीमा आयोजित कार्यक्रममा यसका सरोकारवालाहरुले नेपाली कुखुरा र अण्डा ढुक्क भएर उपभोग गर्न आग्रह गरेका हुन । मध्यपुर थिमि नगरपालिकाका प्रमुख सुरेन्द्र श्रेष्ठ, उपप्रमुख विजयकृष्ण श्रेष्ठको आतिथ्यतामा आयोजित कार्यक्रममा खाद्य प्रविधि तथा गुणस्तर नियन्त्रण कार्यालयका निर्देशक डा.मतिना बैद्य जोशी, पशुसेवा विभागका निर्देशक डा.गमेश दाहाल, नेपाल पोल्टी फेडेशनका उपाध्यक्ष नारायणहरी कार्कीसहितका अतिथिहरुको बीच सो छलफल गरेका हुन । कुखुरा व्यवसायी तथा उभोक्ताहरु सहितको सहभागिता आज विश्व प्रोटिन दिवस मनाइएको हो ।
