चोरी गर्ने मानिस पक्राउ
जिल्ला प्रहरी कार्यालय भक्तपुरले चोरी आरोपमा एक जनालाई पत्राउ गरेको छ । मध्यपुर ठिमी नगरपालिका वडा नं. २ रामेश्वरमन्दिरस्थित कृष्णबहादुर कार्कीको कोठामा कोही नभएको बेला ढोकाको ताला फुटाई सुन, चाँदीको गरगहना तथा नगद सहित अन्दाजी मुल्य २ लाख २० हजार बराबरको धनमाल चोरी भएको भन्दै नविन भन्ने रवि कार्कीलाई पक्राउ गरेको प्रहरीका सूचना अधिकारी ढुण्डीराज न्यौपानेले जनाएको छ । पीडितहरुे दिएको निवेदनका आधारमा काठमाण्डौ उपत्यका अपराध अनुसन्धान कार्यालय भक्तपुर शाखा र प्रहरी वृत्त थिमीको भक्तपुरबाट खटिएको संयुक्त प्रहरी टोलीले फरार भएका मानिसहरुको खोजतलास गर्नेक्रममा आज लोकंथलीबाट कार्कीलाई पक्राउ गरिएको जनाएको छ । पक्राउ पछि भक्तपुर जिल्ला अदालत पेश गरी ५ दिन म्याद थप भई थप अनुसन्धा कार्य भइरहेको प्रहरीले जनाएको हो
