आजबाट बालबालिकाहरुकालागि पोलियो थोपा खुवाउन सुरु
काठमाडौँ, साउन ९ गते । काठमाण्डौको टुकुचा खोलाको पानीमा पोलियोका जीवाणु भेटिएपछि सरकारले घोषणा गरेको पोलियो खोप अभियान आजबाट सुरु भएको छ । साउन ९ गते देखि १२ गतेसम्मका लागि काठमाडौँ उपत्यका तीन जिल्लाहरु काठमाण्डौ, भक्तपुर र ललितपुरमा पोलियो विरुद्धको खोप अभियान सुरु गरेको हो । उपत्यकामा आज विहान देखि पाँच वर्ष सम्मका बालबालिकालाई लक्षित गर्दै पोलियो विरुद्धको खोप अभियान सुरु गरेको छ । यो अभियान अन्तर्गत उपत्यकाका २ लाख ८० हजार बालबालिकाहरुलाई पोलियो थोपा खुवाउने लक्ष्य लिएको छ । भएका हुन ।
नियमित खोपमा पोलियोको खोप दिएइएको भएतापनि यस अभियानमा आफ्ना बालबालिकालाई अनिवार्य रुपमा पोलियो विरुद्धको खोप दिनुपर्ने बताइएको छ । परिवार कल्याण महाशाखा अन्तर्गतको खोप शाखाका प्रमुख डा।अभियान गौतमले लक्षित बालबालिकालाई नछुटाउने उद्देश्यले तीनै जिल्लाका घरघरमा गएर पोलियो विरुद्धको खोप लगाउने योजना रहेको जानकारी दिनुभयो । यो खोप अत्यन्त सुरक्षित र प्रभावकारी भएकाले आफ्ना बालबालिकालाई ढुक्कसँग खोप लगाउन डा।गौतमको सुझाव छ ।
उहाँ भन्नुहुन्छ,“सरकारले प्रयोग गर्ने खोप विश्व स्वास्थ्य सङ्गठनबाट गुणस्तर प्रमाणित भएको र नेपालमा प्रयोग गर्नको लागि औषधी व्यवस्था विभागमा दर्ता गरिएको हुँदा आफ्नो बालाबालिकालाई खोप ढुक्कसँग लगाउनुस । ”
नियमित खोपमा पोलियोको खोप दिइएको भएतापनि यस अभियानमा आफ्ना बालबालिकालाई अनिवार्य रूपमा पोलियो विरुद्धको खोप दिन डा।गौतमको सुझाव छ ।
गत जेष्ठ १३ गते टुकुचा खोलाको पानी परिक्षणमा पोलियो भाइरस टाइप ३ पुष्टि भएपछि यो अभियान थालेको विश्व स्वास्थ्य संगठन, नेपालका डाक्टर रुपेश तिमल्सेनाले जनाएको छ । पुष्टि भएको पालियो भाइरस टाइप ३ ले महामारि नै हुन सक्छ भन्ने नभएपनि कमजोर बालबालिकामा संक्रमण भए क्षति पुर्याउन सक्ने भएकाले अनिवार्य रुपमा यो अभियान अन्तर्गत आफ्ना बालबालिकाहरुलाई पोलियो थोपा खुवाउन उहाँले आग्रह गर्नु भएको छ । हालै सञ्चालन गरेको आईपिभी खोप अभियानको बेला खोप दिएकोे भएपनि आफ्ना बालबालिकाहरुलाई अहिलेको पोलियो थोपा खुवाउँदा कुनै जोखिम नहुने बरु थप सुरक्षित हुने डाक्टर तिमल्सेनाले सुझाएको छ ।
