कोरोना संक्रमण मुक्त हुनेक्रम बढदोः आज एक्कै दिन १८१४ भए निको
काठमाण्डौ
शनिबार देशभरबाट १५६६ जना कोरोना मुक्त भएका थिए भने आज पनि देशभरबाट शनिबार भन्दा बढी र अहिलेसम्मकै बढी कोरोना संक्रमित निको भएर घर फर्केका छन् । आज एक्कै दिन १ हजार ८१४ जना संक्रमित निको भएको उल्लेख गर्दै स्वास्थ्य तथा जनसंख्या मन्त्रालयले आईबार देशभर ९८० जना थप संक्रमित भएको जनाएको छ । १० हजार ३८२ जनाको कोरोना परीक्षण गर्दा २९० महिला र ६९० पुरुष सहित ९८० जनमा संक्रमण पुष्टि भएको मन्त्रालयका प्रवक्ता डा. जागेश्वर गौतमले बताएका छन् । काठमाण्डौ उपत्यकामा भने ३५४ थप संक्रमित भएको छन् । भक्तपुर र ललितपुरमा ३२र३२ र काठमाण्डौमा २९० गरी ३५४ संक्रमित थपिएका हुन । आज थप भएका संक्रमित सहित देशभर कोरोना संक्रमितको संख्या ४६ हजार २५७ पुगेको छ । यो क्रममा २८ हजार ९४१ जना कोरोना मुक्त भइसकेका छन् । बाँकी १७ हजार २७ जना सक्रिय संक्रमितहरुको उपचार भइरहेको छ ।
पछिल्लो २४ घण्टामा संक्रमित मध्ये आज काठमाण्डौका ३ जना सहित ९ जनाको थप निधन समेत भएको पनि मन्त्रालयले जनाएको छ । अहिले सरकारी आइसोलेसनमा ९ हजार २०१ र होम आइसोलेसनमा ७ हजार ८२६ रहेका छन् । क्वारेन्टिनहरुमा भने ४ हजार ७ सय ३ जना रहेको पनि मन्त्रालयका प्रवक्ता डा. गौतमले जनाए । कोरोना संक्रमण मुक्तहरुको दर भने ६३ प्रतिशत रहेको पनि जनाएको छ ।
