महेश्वरी खेल मैदान परिसर आज गरियो सरसफाई
भक्तपुर, कार्तिक १ गते
भक्तपुर, १ कार्तिक । भक्तपुर नगरपालिका महेश्वरी खेल मैदान परिसर सरसफाई कार्यक्रम समापन भक्तपुर नगरपालिका वडा नं ७ का वडाध्यक्ष उकेश कवाँले एक समारोह बीच महेश्वरी खेल मैदानमा सम्पन्न भयो ।
कार्यक्रममा वडाध्यक्ष उकेश कवाँले खेल मैदानमा फोहर नदेखिएपछि धेरै फोहर आएको बताउँदै दशनामीहरुले शव गाड्ने स्थल भनि सर्बोच्च अदालतबाट समेत हराई सकेपछि यहाँको वातावरण सुधार गर्न बृक्षा रोपनदेखि विभिन्न विकास निर्माण सुरु गर्दा फेरी सर्वोच्च अदालतबाट रोक्का पत्र आउँदा विकास निर्माण गर्न नपाएको बताउनुभयो । उहाँले खोला सरसफाईमा चुनौति रहेता पनि खोलामा रहेको विभिन्न फोहरहरु सरसफाई गरेको बताउनुभयो । उहाँले कार्यक्रममा सहभागी विद्यालयका शिक्षक, विद्यार्थी, सहकारी, विभिन्न संघसंस्था, कर्मचारी, हनुमानघाट सुधार समिति लगायत सहभागी सम्पूर्णमा धन्यवाद ज्ञापन गर्नुभयो ।
कार्यक्रममा वडा निरिक्षक रामकृष्ण प्रजापतिले पाक्षिक सरसफाई महिनाको १ गते र १५ गते सरसफाई गरी भक्तपुर नगरलाई स्वच्छ, सफा र सुन्दर बनाउन यसलाई निरन्तरता दिई रहेको बताउनुभयो । कार्यक्रममा वडासदस्य हरिरत्न गोर्खाली, हिरा ख्याजु, रन्जना त्वातीको सहभागी रहेको थियो ।
