बाल सुधार गृहको स्थलगत निरिक्षण
भक्तपुर, भाद्र २२ गते
मध्यपुर थिमीको सानो थिमीस्थित बाल सुधार गृहको स्नोतिका सवालहरुमा भक्तपुरका जनप्रतिनिधीहरुले आज छलफल तथा स्थलगत निरिक्षण गरेको छ । गत भाद्र ३ गते सो सुधार गृहमा रहेका एक बालकको मृत्यु प्रकरणसँगै बालबालिकाहरुमा विद्रोहको भावना कसरी सृजना भयो ? भन्ने सवालहरुमा उठेका विषयहरुमा जनप्रतिनिधी, पत्रकार र युसेप नेपालका प्रतिनिधीहरु बीच छलफल भएको थियो । देशभर ११ सय बालबालिकाहरु सुधार गृहहरुमा रहेका मध्ये ८ सय जना युसेप नेपालको व्यवस्थापनमा भक्तपुर, पोखरा, नेपालगञ्ज र विरातनगरका सुधार गृहहरुमा संरक्षित रहेका छन् । त्यस मध्ये ३ सय जना बालबालिकाहरु रहेको भक्तपुरको सुधार गृहका बालिकाहरुको अवस्था र तिनीहरुको खानपिन, बसाई, शिक्षा र स्वास्थ्य अवस्था एवं शिप विकास बारे स्थलगत रुपमा निरिक्षण समेत भएको थियो ।
भाद्र ३ गतेको घटनाले उजागर भएका बाल संरक्षण गृहका गुनासा र बेठितिहरुको स्थलगत रुपमै निरिक्षण गरी बास्तविक समस्याको पहिचान र त्यसको निवारणकालागि सहभागि जनप्रतिनिधीहरुले आआफ्नो क्षेत्रमा भूमिका खेल्ने गरी शुक्रबार छलफल र निरिक्षण गरेको थियो ।
सरकारले दिएको श्रोत र सामथ्र्यले सुधार गृहमा रहेका बालबालिकाहरुलाई खाने, वस्ने र विद्यालयतहसम्म शिक्षा र शिप दिने उदेश्य अनुसार युसेप नेपालले व्यवस्थापन गर्दै आएको संस्थाका प्रवन्धक केशव सुवालले बताए । युसेप नेपालले सरकारले दिएको श्रोतको व्यवस्थापन गर्दै बाल संरक्षण गृहका बालबालिकाहरुकै नेतृत्वमा खानपिन र सुधार गृह सञ्चालन प्रर्वधन गर्दै आएको उहाँले स्थलगत निरिक्षणकाक्रममा बताए । बाल संरक्षण गृहको क्षमता भन्दा बढी बालबालिकाहरु संरक्षण गर्नुपर्दा विभिन्न समस्या सामना गर्नुपरेको चर्चा गर्दै उहाँले सय जना बालबालिका राख्ने क्षमता भएको बालसंरक्षण गृहका ३ सय जना सम्म व्यवस्थापन गर्दै आएको बताए । उहाँले बाल संरक्षण गृहमा सुधारको आवश्यकता मनन गर्दै नियमित सेवालाई निरन्तरता दिदै आएको बताए । वाल संरक्षण गृहमा नसिंग सेवाको आवश्यकतामा जोड दिदै मावि शिक्षा संरक्षण गृह भित्रै दिने तयारी भएको पनि बताए । सो छलफल र निरिक्षणमा भक्तपुरका स्थानीय तह, प्रदेश र संघिय सांसदहरु र जनप्रतिनिधीहरुको सहभागिता थियो ।
