सवारी दुर्घटनामा एकको मृत्यु
भक्तपुर, असार २१ ग्ते
सवारी दुर्घटनामा परि मध्यपुर थिमीमा एक जनाको मृत्यु भएको छ । आज दिउँसो मध्यपुर थिमी न.पा. वडा नं. ३ गठ्ठाघरस्थित ट्राफिक कार्यालय अगाडी भएको सवारी दुर्घटनामा एक जनाको मृत्यु भएको महानगरीय प्रहरी परिसर भक्तपुरले जनाएको छ । भक्तपुरबाट काठमाण्डौ तर्फ जाँदै गरेको बा. ४ ख. २२१२ नं.को बस र सोही दिशा तर्फ जाँदै गरेको बा. ७८ प. १०८३ नं.को स्कुटी एक आपसमा ठक्कर खाई दुर्घटना हुँदा स्कुटी पछाडी सवार रेजिना तामाङको मृत्यु भएको प्रहरीले जनाएको छ । दुर्घटना पछि उपचारका लागि इन्टरनेशनल अस्पताल कौशलटार लगिएका तामाङको उपचारकैक्रममा मृत्यु भएको प्रहरीले जनाएको छ । स्कुटी चालक रामेछाप दोरम्बाका सिद्धार्थ मगरको भने उपचार भइरहेको छ । बस चालक काभ्रेपलान्चोक तिमालस्थित नारायणस्थानका पोते तामाङलाई प्रहरी नियन्त्रणमा लिई थप अनुसन्धान कार्य भइरहेको भक्तपुर प्रहरीका सूचना अधिकारी लोकबहादुर जिसीले जनाएको छ ।
