एड्भान्स एक्सेल तालिम सम्पन्न
जेष्ठ १२, गते भक्तपुर जिल्ला बचत तथा ऋण सहकारी संघ लि.को संस्थागत विकास उपसमितिको आयोजनामा अनलाइन एक हप्ते एड्भान्स एक्सेल तालिम सम्पन्न भएकोछ । संघका अध्यक्ष कृष्ष्ण गोविन्द लाखाजुले कोभिड १९ को महामारीको रोकथाम तथा नियन्त्रणमा सहकारीले सामाजिक दायित्व अन्र्तगत समुदायक विकास कोषमार्फत सहयोग गर्न सक्ने कुरा बताउर्दै संकटको बेला सहकारी व्यवसाय सशक्त हुनुपर्ने कुरा बताउनुभयो । “मर्यादित व्यवसाय र प्रविधिमा सहकारी” नारालाई मुर्त रुप दिन सहकारीले प्रविधिलाई जोड दिनुपर्ने कुरा राख्दै प्राविधिक तालिमले कर्मचारीको कार्यक्षमतामा वृद्धि गर्ने विचार व्यक्त गर्नु भयो ।
संघका व्यवस्थापक बालकृष्ण धोजुले तालिमबाट सिकेका कुराहरु प्रयोगमा ल्याउनुपर्ने विचार राख्नुभयो । सहभागी श्री महालक्ष्मी बचत तथा ऋण सहकारी संस्था लि.का व्यवस्थापक इन्द्रहरी बुढाले यस विषम परिस्थितिमा समयको सदुपयोगका साथै तालिम घेरै उपयोगि र व्यवहारीक रहेको कुरा राख्दै संघले प्राविधिक शिक्षालाई निरन्तर दिनुपर्ने कुरा बताउनुभयो ।
संघका उपसमिति सदस्य निर्मला सुवालले सहभागिहरुलाई धन्यवाद दिदैं तालिमले लेखासंग सम्बन्धी सबै तह तप्का कर्मचारीहरुलाई आफ्नो कार्यक्षमतामा अभिबृद्धिमा सहयोग गर्ने विचार राख्नुभयो । सहजकर्ता विश्वराम मचामसीले सहजिकरण गरेको सो तालिममा १९ जनाको सहभागिता रह्यो ।
